kallianpurdotcom : 29/05/2023
Reported by : Eugine Rebello (Kallianpur-B)
ಉಡುಪಿ: ಮಿಲಾಗ್ರಿಸ್ ಕಾಥೆದ್ರಾಲ್ ಕಲ್ಯಾಣ್ಪುರ್ ಫಿರ್ಗಜ್ ಕುಟ್ಮಾಚಾ ದಿಸಾಚೆ ಆಚರನ್ ಮೇ 28 ಆಯ್ತಾರಾ ದಿಸ್ ಜಾಲೆ. ಸಂಭ್ರಮಿಕ್ ಮಿಸಾಚಾ ಬಲಿದಾನಾ ಸಂಗಿ ಆಚರಣ್ ಪ್ರಾರಂಭ್ ಜಾಲೆ. ಸಕಾಳಿಂ 09.00 ವರಾ ಸಂಭ್ರಮಿಕ್ ವಿೂಸ್. ವಿೂಸಾಚೆ ಮುಖೇಲ್ಪಣ್ ಬಾಪ್ ಹೆರಾಲ್ಡ್ ಪಿರೇರಾನ್ ವಹಿಸುನ್ ಘೆತ್ಲೆ. ಪವಿತ್ರ್ ಅತ್ಮ್ಯಾಚೆ ಫೆಸ್ತ್ ಉತ್ತಿಮ್, ಅರ್ಥಾಭರಿತ್ ಪ್ರಸಂಗ್ ತಾಣಿ ದಿಲೆ. ವಿೂಸಾಚೆ ಬಲಿದಾನಾಕ್ ಬಾಪ್ ವಲೇರಿಯನ್ ಮೆಂಡೊನ್ಸಾ, ಸಹಾಯಕ್ ಬಾಪ್ ಜೋಯ್ ಅಂದ್ರಾದೆ ಆನಿ ಬಾಪ್ ರೊನ್ಸನ್ ಡಿಸೋಜಾ ಹೊಲಿಕ್ರೊಸ್ ಮೆಳಾಚೆ ಹಾಣಿ ಸಹಭೆಟವ್ಣಿ ಕೆಲಿ.
ವಿೂಸಾ ಉಪ್ರಾಂತ್ ಹೊಲಾಂತ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲ್ಲೆ, ಪ್ರಾರ್ಥನ್ ಗಿತಾ ಸವೆಂ ಕಾರ್ಯಕ್ರಮ್ ಪ್ರಾರಂಭ್ ಜಾಲೆ. ಸುರ್ವೆರ್ ಇರ್ಗಜೆಚೊ ಉಪಾಧ್ಯಾಕ್ಷ್ ಶ್ರೀ ಮೆಲ್ವಿನ್ ಸಿಕ್ವೇರಾನ್ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗ್ಲೊ. ಮಾನಾಚಾ ಸೈರ್ಯಾಂಕ್ ಫುಲಾಂ ಅರ್ಪುನ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ಶ್ರೀಮತಿ ಎವ್ಜಿನಾನ್ ಪ್ರಸ್ತುತ್ ವರ್ಸಾಚಿ ವರ್ದಿ ಸಭೆ ಹುಜಿರ್ ದವರ್ಲಿ. ಐ.ಸಿ.ವೈಎಮ್ ಸಾಂದ್ಯಾಂನಿ ಉತ್ತಿಮ್ ನಾಚ್ ನಾಚೊನ್ ಸರ್ವಾಂಕ್ ಸಂತೊಸಾಯ್ಲೆಂ. ಮಾನಾಚೊ ಸಯ್ರೊ ಶ್ರೀ ರೊನಾಲ್ಡ್ ಫುರ್ಟಾಡೊ ಹಾಣಿ ಕಾಥೊಲಿಕ್ ಸಭೆಚಾ ವಾವ್ರಾಚಿ ಮಾಹೆತ್ ದಿಲಿ. ಉಪ್ರಾಂತ್ ಫಿರ್ಗಜ್ ದಿಸಾಚಾ ಬಾಬ್ತಿನ್ ಮಾಂಡುನ್ ಹಾಡ್ಲ್ಲ್ಯಾ ಮನೋರಂಜನ್ ಸ್ಪಧ್ರ್ಯಾಂತ್ ಜಿಕೊನ್ ಪಯ್ಲೆಂ, ದುಸ್ರೆಂ, ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೀನ್ ವಾಡ್ಯಾಚಾನಿ ನಾಟ್ಕುಳೊ ಪ್ರದರ್ಶಿಲೊ. ಮುಖೇಲ್ ಸೈರೊ ಬಾಪ್ ಹೆರಾಲ್ಡ್ ಪಿರೇರಾನ್ ಅಪ್ಲೊ ಸಂದೇಶ್ ದಿಲೊ.
ಖೆಳಾಂತ್ ತಶೆಂಚ್ ಮನೋರಂಜನ್ ಸ್ಪಧ್ರ್ಯಾಂತ್ ಜಿಕ್ಲ್ಲ್ಯಾಂಕ್ ಬಾಪ್ ಹೆರಾಲ್ಡ್ ಆನಿ ಬಾಪ್ ವಲೇರಿಯಾನ್ ಮೆಂಡೊನ್ಸಾನ್ ಇನಾಮಾ ವಾಂಟ್ಲಿ. ಅಧ್ಯಕ್ಷ್ ಸ್ಥಾನ್ ಘೆತ್ಲ್ಲ್ಯಾ ವಿಗಾರ್ ತಶೆಂಚ್ ರೆಕ್ಟಾರ್ ಬಾಪಾಂನಿ ಅಪ್ಲೊ ಸಂದೇಶ್ ದಿಲೊ. 20 ಅಯೋಗಾಂಚಿ ಸಂಯೋಜಕಿ ಶ್ರೀಮತಿ ಪ್ರೇಮಾ ಲುವಿಸಾನ್ ಹೆಂ ಕಾರ್ಯೆಂ ಯಶಸ್ವಿ ಜಾಂವ್ಕ್ ಕಾರಣ್ ಜಾಲ್ಲ್ಯಾಂಚೊ ಮನ:ಪೂರ್ವಕಿ ಉಪ್ಕಾರ್ ಬಾವುಡ್ಲೊ. ಬಾಪ್ ಜೋಯ್ ಅಂದ್ರಾದೆನ್ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ. ಹೆಂ ಸಂಭ್ರಮಿಕ್ ಕಾರ್ಯಾಚೆ ನಿರ್ವಾಹಣ್ ಆಮ್ಚಾ ಫಿರ್ಗಜೆಚಾ ತೆಂಕಬೆಟ್ಟು ವಾಡ್ಯಾಚಾ ಜೊವಿಟಾ ಡಿ’ಲೀಮಾನ್ ಚಲೊನ್ ವ್ಹೆಲೆಂ. ಸಹಭೊಜನಾ ಸವೆಂ ದೀಸ್ ಅಖೆರ್ ಜಾಲೊ.
Wow very nice to see the Parish Day coverage.. We missed this event. May our Lady of Miracles bless all of us.. Thanks to Kallianpur.com.
.