ಮೌಂಟ್ ರೋಸರಿ ಪ್ರಾಕ್ತನಾ ವಿದ್ಯಾರ್ಥಿಗಳ ಸಹಮಿಲನ.

kallianpurdotcom: Mob 9741001849

Official release from  Mount Rosary School, Santhekatte.

ಉಡುಪಿ: ವಿದ್ಯೆ ಕಲಿಸಿದ ಪ್ರಾಥಮಿಕ ಶಾಲೆ ಹುಟ್ಟಿದ ಊರು ಎಂದೂ ಮರೆಯಬಾರದು. ಆ ಊರು ಮತ್ತು ಸಂಸ್ಥೆ ನಮ್ಮ ಸಾಧನೆಯ, ಅಭಿವೃದ್ಧಿಯ ಹಾಗೂ ಯಶಸ್ಸಿನ ಅಡಿಪಾಯ ಹಾಕುವಲ್ಲಿ ತಮ್ಮ ನಿಸ್ವಾರ್ಥ ಕೊಡುಗೆ ನೀಡಿದೆ. ಈ ಭವ್ಯ ಬುನಾದಿಯ ಹಿನ್ನಲೆಯಿಂದ ಇಂದು ಸಮಾಜ ವಿವಿಧ ಸ್ಥರಗಳಲ್ಲಿ ವಿಶೇಷ ಸಾಧನೆ ಮಾಡಲು ಸ್ಥೂರ್ತಿಯಾಗಿದೆ ಎಂದು ಮೌಂಟ್ ರೋಸರಿ ಚರ್ಚಿನ ಪ್ರಧಾನ ಧರ್ಮ ಗುರು ಫಾ| ಡಾ| ರೋಕ್ ಡಿಸೋಜ ಹೇಳಿದರು.

ಅವರು ಸಂತೆಕಟ್ಟೆ ಮೌಂಟ್ ರೋಸರಿ ಆಂಗ್ಲ ಮಾಧ್ಯಮ ಶಾಲೆಯ ಹಳೇ ವಿದ್ಯಾರ್ಥಿಗಳ ಸಹ ಮಿಲನ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು. ಸಂಸ್ಥೆಯು ಕಳೆದ ಇಪ್ಪತ್ತೆಂಟು ವರ್ಷಗಳಿಂದ ಗುಣಮಟ್ಟದ ಶಿಕ್ಷಣವನ್ನು ನೀಡುತ್ತಿದೆ. ಅರ್ಥಿಕವಾಗಿ ಹಿಂದುಳಿದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ವ್ಯಾಸಂಗ ಮಾಡಲು ಇಚ್ಚಿಸುವವರಿಗೆ ಈ ಸಂಸ್ಥೆಯು ಅವಕಾಶ ನೀಡುತ್ತದೆ. ಇಪ್ಪತ್ತೆೈದು ವಿದ್ಯಾರ್ಥಿಗಳಿಂದ ಆರಂಭವಾದ ಸಂಸ್ಥೆ ಇಂದು ಒಂದುವರೆ ಸಾವಿರ ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡುತ್ತದೆ ಎಂದರು.

ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ದೆಹಲಿಯಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿದ ಕು| ಅನ್ವಿತ ತಂತ್ರಿ ಮತ್ತು ಬಿ.ಕಾಮ್ ವಿದ್ಯಾರ್ಥಿ ಎಷ್ಟೋ ಮಕ್ಕಳಿಗೆ ಉಚಿತವಾಗಿ ಮನೆ ಪಾಠ ಹೇಳಿಕೊಡುವ ನಂದನ್ ಕುಂದರ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ಮುಖ್ಯ ಶಿಕ್ಷಕಿ ಸಿ| ಆನ್ಸಿಲ್ಲಾ ಡಿಮೆಲ್ಲೊ ಶಾಲೆಯ ಸಾಧನೆಗಳನ್ನು ಹೇಳಿದರು. ಶೈಕ್ಷಣಿಕ ಸಾಲು ೨೦೨೫-೨೬ ವರ್ಷಕ್ಕೆ ಪ್ರಾಕ್ತನಾ ವಿದ್ಯಾರ್ಥಿ ಸಂಘಕ್ಕೆ ಅನ್ವಿತಾ ತಂತ್ರಿ (ಅಧ್ಯಕ್ಷ) ರಿಯೋನಾ ಡಿಸೋಜ(ಉಪಾಧ್ಯಕ್ಷ) ನಂದನ್ ಕುಂದರ್ (ಕಾರ್ಯದರ್ಶಿ) ಜಾರಾ ಕೌಸರ್(ಖಜಾಂಚಿ) ಗಗನ್ ಸುವರ್ಣ(ಲೆಕ್ಕ ಪರಿಶೋಧಕ) ರಾಗಿ ಚುನಾಯಿತರಾದರು. ಸಂಘದ ನಿರ್ದೇಶಕರಾದ ಶಿಕ್ಷಕಿ ನ್ಯಾನ್ಸಿ ಮತ್ತು ಮಗ್ಡಲೀನ್ ಕರ್ನೆಲಿಯೋ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಹಿರಿಯ ಶಿಕ್ಷಕಿ ಮೀನಾ ಫೆರ್ನಾಂಡಿಸ್ ಸ್ವಾಗತಿಸಿದರು. ಆಲ್ವಿನ್ ದಾಂತಿ ನಿರೂಪಿಸಿ ಶಿಕ್ಷಕಿ ಲವೀನಾ ಡಿಸೋಜ ವಂದಿಸಿದರು.