ಮಂಗಳೂರುನಲ್ಲಿ ಕರಾವಳಿಯ ಪ್ರಸಿದ್ಧ ಮತ್ತು ಗೌರವಾನ್ವಿತ ಗಾಯಕರಿಂದ ಗಾಯನ ವಿಶ್ವ ದಾಖಲೆ ಪ್ರಯತ್ನವಾಗಿಸಿ ‘ಗಾತಾ ರಹೇ ಮೇರಾ ದಿಲ್’ ಕಾರ್ಯಕ್ರಮ.

kallianpurdotcom: Mob 9741001849

(ಚಿತ್ರ /ವರದಿ : ರೋನ್ಸ್ ಬಂಟ್ವಾಳ್) 

ಮುಂಬಯಿ, ನ.೧೫: ಗೋಲ್ಡನ್ ಬುಕ್ ಆಫ್ ವರ್ಲ್್ಡ ರೆಕಾರ್ಡ್ ಇದರ ದಾಖಲೆ ಹೊಂದಿದ ಝೀ ಸ ರೇ ಗಾಮಾ ಖ್ಯಾತಿಯ ಯಶವಂತ್ ಎಂ.ಜಿ ಸಾರಥ್ಯದಲ್ಲಿ ಇದೇ ಮಂಗಳವಾರ (ನ.೧೮) ಮುಂಜಾನೆ ೨:೦೦ ಗಂಟೆಯಿಂದ ಬುಧವಾರ (ನ.೧೯) ಸಂಜೆ ೬:೦೦ ಗಂಟೆ ತನಕ `ಗಾತಾ ರಹೇ ಮೇರಾ ದಿಲ್’ ಕಾರ್ಯಕ್ರಮವನ್ನು ಮಂಗಳೂರು ಅಲ್ಲಿನ ಕುದ್ಮುಲ್ ರಂಗರಾವ್ ಪುರಭವನದಲ್ಲಿ ಷೋಡಶಿ ಫೌಂಡೇಶನ್ ಆಯೋಜಿ ಸಿದೆ.

ಭಾರತೀಯ ಹಿನ್ನೆಲೆ ಗಾಯಕ, ನಟ ಮತ್ತು ಸಂಗೀತ ಸಂಯೋಜಕ ಜನಪ್ರಿಯ ಗಾಯಕ ಬಾಲಿವುಡ್ ಸಂಗೀತ ಲೋಕದ ಮೇರು  ಸಂಗೀತ ಕಾರ ಕಿಶೋರ್ ಕುಮಾರ್ ಅವರ ಹಳೆಯ ಹಾಡುಗಳ ಮೇಳೈಕೆಯೊಂದಿಗೆ ಗಾಯನ ವಿಶ್ವ ದಾಖಲೆ ಪ್ರಯತ್ನವಾಗಿಸಿ ನಿರಂತರ ೪೦ ಗಂಟೆ ಗಳ `ಗಾತಾ ರಹೇ ಮೇರಾ ದಿಲ್’ ಕಾರ್ಯಕ್ರಮ ಹಮ್ಮಿಕೊಂಡಿದ್ದು ಕರ್ನಾಟಕ ಕರಾವಳಿಯ ಪ್ರಸಿದ್ಧ ಮತ್ತು ಗೌರವಾನ್ವಿತ ಗಾಯಕರು ಸಂಗೀತವನ್ನು ಸಾದರಪಡಿಸಲಿದ್ದಾರೆ. ನ.೧೮ರ ಮಂಗಳವಾರ ಮುಂಜಾನೆಯಿಂದ ನಿರಂತರವಾಗಿ ೪೦ ಗಂಟೆಗಳ ಹಾಡುವ `ಸಂಗೀತ ಮ್ಯಾರಥಾನ್ ಸಂಗೀತ ಕಲಾವಿದರು ವಿಭಿನ್ನ ಧ್ವನಿಗಳಲ್ಲಿ ಹಾಡುಗಳನ್ನು ಪ್ರಸ್ತುತಪಡಿಸಿ ಗಮನಾರ್ಹ ಸಾಧನೆಗೆ ಸಾಕ್ಷಿಯಾಗಲಿದ್ದಾರೆ ಎಂದು ಪೋಲಿಸ್ ಅಧಿಕಾರಿ, ಸಂಗೀತಕಾರ ಗೋಪಾಲ್ ಕುಂದರ್ ತಿಳಿದ್ದಾರೆ.

ಭಾರತೀಯ ಸಂಗೀತ ಲೋಕದಲ್ಲಿ ಅಪರೂಪದ ಸಂಗೀತ ಸಂಯೋಜಕರೆಣಿಸಿ ಎಂಟು ಫಿಲ್ಮ್ಫೇರ್‌ಗಳಲ್ಲಿ ‘ಅತ್ಯುತ್ತಮ ಹಿನ್ನೆಲೆ ಗಾಯಕ ಪ್ರಶಸ್ತಿ’ಗಳನ್ನು ಗೆದ್ದ ‘ಬಾಲಿವುಡ್‌ನ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕ’ರಾಗಿ ಜಗತ್ಪ್ರಸಿದ್ಧ ಶ್ರೇಷ್ಠ ಸಂಗೀತಕಾರನಾಗಿದ್ದರೂ ಕಾಲಕ್ರಮೇಣ ಮರೆಯಾಗುತ್ತಿರುವ ‘ಕಿಶೋರ್ ಕುಮಾರ್’ ಅವರನ್ನು ‘ಸಾರ್ವಕಾಲಿಕ ಶ್ರೇಷ್ಠ ಸಂಗೀತಕಾರ’ನಾಗಿ ಜೀವಂತವಾಗಿರಿಸುವ ಉದ್ದೇಶದಿಂದ ಅವರ ಹಾಡುಗಳನ್ನು ಮತ್ತೆ ಮೆಲುಕು ಹಾಕುತ್ತಾ `ಗಾತಾ ರಹೇ ಮೇರಾ ದಿಲ್’ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಈ ಕಾರ್ಯಕ್ರಮದ ಮೂಲಕ ಮಂಗಳೂರುನಲ್ಲಿ ಮತ್ತೆ ಕಿಶೋರ್ ಕುಮಾರ್ ಅವರ ಸಂಗೀತದ ಧ್ವನಿ ನೇರವಾಗಿ, ಅದರ ಅತ್ಯಂತ ಸೂಕ್ಷ್ಮ ಹಂತದಲ್ಲಿ ಮೈಕ್‌ಗೆ ಬಡಿಯುತ್ತ ಸಂಗೀತಾಸಕ್ತರ ಮನಗಳಿಗೆ ಮುದನೀಡಲಿದೆ ಆನ್ನುವ ಆಶಯ ನಾವು ಹೊಂದಿದ್ದೇವೆ ಎಂದೂ ಗೋಪಾಲ್ ಕುಂದರ್ ಅಭಿಪ್ರಾಯ ಪಟ್ಟಿದ್ದಾರೆ.