ಕ್ರೀಡೆಯಿಂದ ಶಿಸ್ತು ಮತ್ತು ಬದ್ಧತೆ ಸಾಧ್ಯ – ಸಂತೆಕಟ್ಟೆ ಮೌಂಟ್ ರೋಸರಿ ಆಂಗ್ಲ ಶಾಲೆ.

kallianpurdotcom: Mob 9741001849

Official release from  Mount Rosary School, Santhekatte.

ಸಂತೆಕಟ್ಟೆ: ನನ್ನ ಶಾಲಾ ಜೀವನದಲ್ಲಿ ತರಗತಿಗಳಲ್ಲಿ ನಾನೇನು ಶಿಸ್ತಿನ ವಿದ್ಯಾರ್ಥಿಯಲ್ಲ. ಕಲಿಕೆಯಲ್ಲೂ ಅಷ್ಟಕ್ಕಷ್ಟೆ. ಆದರೆ ಕ್ರೀಡೆ ನನಗೆ ಶಿಸ್ತು ಕಲಿಸಿತು. ಸಾಧಿಸುವ ಛಲ ನನ್ನ ಕ್ರೀಡಾ ವಿಭಾಗದಲ್ಲಿ ಬದ್ಧತೆ ಕಲ್ಪಿಸಿತು. ಇದರಿಂದ ಕಲಿಕೆ ಮತ್ತು ಕ್ರೀಡೆಯಲ್ಲಿ ಮಹತ್ತರ ಸಾಧನೆಗೆ ಸಹಕಾರಿ ಯಾಯಿತು. ಕೇವಲ ಅಂಕಗಳಿಂದಲೇ ಬದುಕು ಕಟ್ಟಲು ಸಾಧ್ಯವಿಲ್ಲ. ಆರೋಗ್ಯವಂತ ಮನಸ್ಸಿಗೆ ಆರೋಗ್ಯವಂತ ಶರೀರವಿರಬೇಕು. ಇದಕ್ಕೆ ಕ್ರೀಡೆ ಅತ್ಯಂತ ಸಹಕಾರಿಯಾಗಿದೆ ಎಂದು ರಾಷ್ಟ್ರ ಮಟ್ಟದ ಕ್ರೀಡಾಪಟು ಮಾರ್ಕ್ ಡಿಕೋಸ್ತಾ ಹೇಳಿದರು.

ಅವರು ಸಂತೆಕಟ್ಟೆ ಮೌಂಟ್ ರೋಸರಿ ಆಂಗ್ಲ ಶಾಲೆಯ ಕ್ರೀಡೋತ್ಸವನ್ನು ಉದ್ಘಾಟಿಸಿ ಮಾತನಾಡಿದರು. ಸಂಸ್ಥೆಯ ಹಳೇವಿದ್ಯಾರ್ಥಿಯಾದ ಅವರಿಗೆ ಶಾಲಾ ವತಿಯಿಂದ ಸನ್ಮಾನಿಸಲಾಯಿತು. ಸಭೆಯ ಅಧ್ಯಕ್ಷತೆಯನ್ನು ವಹಿಸಿದ ಶಾಲಾ ಸಂಚಾಲಕ ವಂದನೀಯ ಡಾ| ರೋಕ್ ಡಿಸೋಜ ಮತನಾಡಿ ಎಳವೆಯಿಂದಲೇ ತಮ್ಮ ಆಸಕ್ತಿಯ ಕ್ರೀಡಾ ವಿಭಾಗಗಳಲ್ಲಿ ಮಕ್ಕಳು ತೊಡಗಿಸಿಕೊಂಡರೆ ಬೆಳೆಯುತ್ತಾ ಮಹತ್ತರ ಕ್ರೀಡಾ ಸಾಧಕರಾಗಬಹುದು, ಭಾರತ ವಿಶ್ವಗುರುವಾಗ ಬೇಕಾದರೆ ಆಟೋಟಗಳಲ್ಲಿ ಯುವ ಪ್ರತಿಭೆಗಳು ಮಿಂಚಬೇಕು ಇದಕ್ಕೆ ಶಾಲಾ ಕ್ರೀಡೋತ್ಸವ ಉತ್ತಮ ವೇದಿಕೆಯಾಗಿದೆ ಎಂದು ಹೇಳಿದರು.

ಚರ್ಚಿನ ಸಹಾಯಕ ಧರ್ಮಗುರು ಫಾ| ರೋಹನ್ ಕ್ರೀಡಾಜ್ಯೋತಿ ಪ್ರಜ್ವಲಿಸಿದರು. ತಾಲೂಕು ಜಿಲ್ಲಾ, ರಾಜ್ಯಮಟ್ಟದ ಕ್ರೀಡಾಪಟುಗಳು ಜೊತೆಗೊಂಡರು. ವೇದಿಕೆಯಲ್ಲಿ ಶಿಕ್ಷಕ-ರಕ್ಷಕ ಸಂಘದ ಅಧ್ಯಕ್ಷೆ ಇರ್ಷಾತ್ ಬೇಗಂ, ಉಪಾಧ್ಯಕ್ಷ ರಮೇಶ್ ಕುಂದರ್ ಆಡಳಿತ ಮಂಡಳಿಯ ಉಪಾಧ್ಯಕ್ಷ ಲೂಕ್ ಡಿಸೋಜ, ಹಳೇವಿದ್ಯಾರ್ಥಿ ಸಂಘದ ಅಧ್ಯಕ್ಷೆ ಅನ್ವಿತಾ ತಂತ್ರಿ, ಕಾರ್ಯದರ್ಶಿ ನಂದನ್ ಉಪಸ್ಥಿತರಿದ್ದರು.

ಕ್ರೀಡಾನಾಯಕಿ ಮನ್ವಿತಾ ಪ್ರತಿಜ್ಞವಿಧಿ ಕೈಗೊಂಡರು. ಮುಖ್ಯಅತಿಥಿ ಮಾರ್ಕ್ ಧ್ವಜವಂದನೆಯನ್ನು ಸ್ವೀಕರಿಸಿ ಪಾರಿವಾಳಗಳನ್ನೂ ಹಾರಿಬಿಟ್ಟು ಕ್ರೀಡಾಕೂಟಕ್ಕೆ ಚಾಲನೆ ನೀಡಿದರು. ಆರಂಭದಲ್ಲಿ ಎಂಟು ವಿಭಾಗಗಳಲ್ಲಿ ೧೨೨೬ ವಿದ್ಯಾರ್ಥಿಗಳ ಆಕರ್ಷಕ ಪಥಸಂಚಲನ ನಡೆಯಿತು. ಹಿರಿಯ ಶಿಕ್ಷಕ ಆಲ್ವಿನ್‌ದಾಂತಿ, ಆನಂದ್, ಅನಿತಾ ಸಹಕರಿಸಿದರು ವಿದ್ಯಾರ್ಥಿಗಳಾದ ಕಾರ್ತಿಕ್, ರಾನಿಯಾ ನಿರೂಪಿಸಿದರು. ಇಷಿಕಾ ಸ್ವಾಗತಿಸಿದರು. ಆಫ್ರಾ ವಂದಿಸಿದರು. ಎರಡು ದಿವಸಗಳ ಕ್ರೀಡೋತ್ಸವ ಕ್ರೀಡಾಜ್ಯೋತಿಯನ್ನು ನಂದಿಸುವ ಮೂಲಕ ಸಂಪನ್ನಗೊಂಡಿತು.