ಡಾ| ಫ್ರ‍್ಯಾಂಕ್ ಫೆರ್ನಾಂಡಿಸ್ ಹಾಗೂ ಪ್ರದೀಪ್ ಬರ್ಬೊಜಾ ಕಾಂಬಿನೇಷನ್‌ನ “ಕಥೆ ಮುಗಿದಿದೆ….” ಚಲನಚಿತ್ರದ ಪೋಸ್ಟರ್ ಬಿಡುಗಡೆ

kallianpurdotcom: 9741001849

(ಚಿತ್ರ /ವರದಿ : ರೋನ್ಸ್ ಬಂಟ್ವಾಳ್) 

ಮುಂಬಯಿ (ಆರ್‌ಬಿಐ), ಮಾ.೧೭: ಕರ್ನಾಟಕ ಕರಾವಳಿಯ ಉಡುಪಿ ಇಲ್ಲಿನ ದುಬಾಯಿ ಉದ್ಯಮಿ, ಕೊಡುಗೈದಾನಿ ಹಾಗೂ ಕಲಾಸ್ನೇಹಿ ಡಾ| ಡೇವಿಡ್ ಫ಼್ರ್ಯಾoಕ್ ಫೆರ್ನಾಂಡಿಸ್ ತೊಟ್ಟಂ ಅವರು ನಿರ್ಮಾಪಕರಾಗಿ ಕೊಂಕಣಿ, ತುಳು ಭಾಷೆಯ ಚಿತ್ರ ನಿರ್ದೇಶಕ ಪ್ರದೀಪ್ ಬರ್ಬೊಜಾ ಅವರ ಚೊಚ್ಚಲ ಕನ್ನಡ ಚಿತ್ರವು ಬಿಡುಗಡೆಯ ತಯಾರಿಯಲ್ಲಿದ್ದು ಇಂದು ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆಯಾಗಿದೆ.

“ಕಥೆ ಮುಗಿದಿದೆ….” ಎಂದು ಹೆಸರಿಟ್ಟಿರುವ ಈ ಚಿತ್ರವು ವಿಭಿನ್ನ ಕಥಾ ಹಂದರವನ್ನೊಳಗೊಂಡಿದೆ. ಕಳೆದ ಜೂನ್- ಜುಲಾಯಿ ತಿಂಗಳುಗಳಲ್ಲಿ ಚಿತ್ರದ ಚಿತ್ರೀಕರಣ ನಡೆದಿದ್ದು ಪ್ರಶಸ್ತಿ ವಿಜೇತ ಸಿನೆಮಾ `ನೀಲಿ ಹಕ್ಕಿ’ ಖ್ಯಾತಿಯ `ಅಮನ್ ಕರ್ಕೇರ’ ಹಾಗೂ ರಕ್ಷಿತ್ ಶೆಟ್ಟಿ ನಿರ್ಮಾಣದ ಸಿನೆಮಾ `ಸಪ್ತಸಾಗರದಾಚೆ’ ಖ್ಯಾತಿಯ ಮಾಸ್ಟರ್ `ಅಕ್ಷನ್ ಕರ್ಕೇರಾ’ ನಟನೆಯ `ಕಥೆ ಮುಗಿದಿದೆ’ ಚಿತ್ರದಲ್ಲಿ ಮುಖ್ಯಪಾತ್ರಗಳಲ್ಲಿ ನಟಿಸಿದ್ದಾರೆ.

ತುಳು ರಂಗಭೂಮಿಯ ಹೆಸರಾಂತ ಕಲಾವಿದೆ ವಾಯ್ಲೆಟ್ ಕಟೀಲ್, ಕೊಂಕಣಿ ಕಲಾವಿದ ಮೆಲ್ಲು ವಾಲೆನ್ಶಿಯಾ, ತುಳು-ಕನ್ನಡ-ಕೊಂಕಣಿ ಚಿತ್ರನಟ ದೀಪಕ್ ಪಾಲಡ್ಕ ಹಾಗೂ ಈ ಚಿತ್ರದ ನಿರ್ದೇಶನದೊಂದಿಗೆ ಪ್ರಮುಖ ಪಾತ್ರದಲ್ಲಿ ಪ್ರದೀಪ್ ಬರ್ಬೊಜಾ ಪಾಲಡ್ಕ ಅಭಿನಯಿಸಿದ್ದಾರೆ. ಮೊದಲಬಾರಿಗೆ ಎಂಬಂತೆ ಕೊಂಕಣಿ ಬರಹಗಾರ, ಚಿಂತಕ ಸ್ಟ್ಯಾನಿ ಬೇಳ ಈ ಚಿತ್ರದಲ್ಲಿ ಅಥಿತಿ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೇ ತಿಂಗಳ ಮೊದಲ ವಾರಾದಲ್ಲಿ ಚಿತ್ರ ಬಿಡುಗಡೆಯ ತಯಾರಿ ನಡೆದಿದೆ. ಕರ್ನಾಟಕ ಹಾಗೂ ಗಲ್ಫ್ ರಾಷ್ಟ್ರಗಳ ಆಯ್ದ ಚಿತ್ರಮಂದಿರಗಳಲ್ಲಿ ಈ ಚಿತ್ರ ಪ್ರದರ್ಶನಗೊಳ್ಳಲಿದೆ ಎಂದು ಫ಼್ರ್ಯಾoಕ್ ಫೆರ್ನಾಂಡಿಸ್ ತಿಳಿಸಿದ್ದಾರೆ.